बारपाक दुर्घटनाका चार घाईतेलाई हेलिकप्टरबाट काठमाण्डौँ लगियो

गोरखा बारपाक सुलिकोट गाउँपालिका–४ सौरपानीमा मंगलबार बिहान भएको जिप दुर्घटनामा सख्त घाइते भएका चार जनालाई हेलिकप्टरमार्फत काठमाडौं लगिएको छ ।

बिमला गुरुङ (१८), रमा गुरुङ (२०), श्रीमान गुरुङ (३३) र बिनोद गुरुङ (२३)लाई थप उपचारका लागि काठमाण्डौँ रिफर गरिएको प्रहरी निरीक्षक प्रकाश भुषााले बताए । गम्भिर घाईतेहरुको अनुहार र शरीरमा चोट लागेको छ ।

माउन्टेन एयरको हेलिकप्टरमार्फत ग्रिनसिटी अस्पताल लगिएको प्रहरीले जनाएको छ । घाइते नौ जनालाई भने थप उपचारका लागि गोरखा अस्पताल ल्याइँदै छ । उनीहरुको अवस्था खतरामुक्त रहेको प्रहरीले जनाएको छ ।

गोरखा बजारतर्फ आउँदै गरेको बा १५ च १०१६ नम्वरको जिप सौरपानीको केवरा र सिम्वुबीचको छहरे खोलामा दुर्घटना भएको हो । ब्रेक फेल भएर दुर्घटना भएको जीप झण्डै सय मिटर तल खसेको प्रहरील जनाएको छ ।