कांग्रेसका सांसदद्धारा गण्डकी प्रदेशसभाको सदन अवरुद्ध

गण्डकी प्रदेशसभाको बैठक बिहीबार पनि प्रमुख प्रतिपक्षी दल नेपाली कांग्रेसका सांसदहरुले अवरुद्ध गरेका छन् । कांग्रेसले यसअघि बुधबार पनि प्रदेशसभा बैठक अवरुद्ध गरेको थियो ।

बैठक सुरु हुनासाथ सांसदहरुले उठेर विरोध जनाएका थिए । विधेयकमाथि संशोधन र निर्वाचन पूर्वाधार कार्यक्रममा सरकार आफुुले गरेको वाचा पुरा नगरेको आरोप लगाउँदै कांग्रेसले सदन अवरुद्ध गरेको हो ।

करिब १५ मिनेटसम्म सांसदहरू उभिएपछि सभामुख नेत्रनाथ अधिकारीले अर्को बैठक भोलि बिहान ११ बजेसम्मका लागि स्थगित गरेका छन् ।