लकडाउन उन्लघन गर्दै आफूखुसी गाउँपालिका प्रबेश गर्ने ६ जना पक्राउ

गुल्मिमा लकडाउन उल्लंघन गरेका आरोपमा ६ जना पक्राउ परेका छन् ।

विश्वब्यापी रुपमा फैलिएको कोरोना भाइरसको संक्रमण रोक्न सरकारले आवतजावत गर्न लगाएको रोकको बेवास्ता गदैै आफूखुसी हिढडुल गरेका आरोपमा उनीहरुलाई पक्राउ गरिएको हो ।

पक्राउ पर्नेहरुमा भारतको मुम्बइ आउदै गरेका २ जना पुरुष, बुटवलबाट आउँदै गरेका २ जना पुरुष र २ महिला रहेका छन् । उनीहरुलाई गुल्मिदरबार गाउँपालिका वडा नम्बर ३ गौडाकोट नजिकैबाट पैदल हिडिरहेको अवस्थामा पक्राउ गरेको हो।

उनीहरुलाई चारपाला प्रहरी चौकी र गुल्मिदरबार गाउपालिकाको सम्युक्त टोलिले पक्राउ गरेको गुल्मिदरबार गाउँपालिका स्वास्थ्य अधिकृत नारायण प्रसाद अर्यालले बताए।

पक्राउ परेकालाई रेसुङ्गा नगरपालिका संग समन्वय गरि तमघास स्थित महेन्द्र माध्यमिक बिध्यालयमा रहेको क्वारेन्टाइनमा पठाइएको गुल्मिदरबार गाउपालिका प्रमुख प्रशासकीय अधिकृत लेखबहादुर बस्नेतले बताए।

लकडाउनको उंल्घन गर्नेलाई पक्राउ गरिएकै स्थलमा स्वास्थ्यकर्मिको आरआरटि टिम पुगेर इन्फारेड थर्मोमिटरबाट तापक्रम मापन गरि गुल्मिदरबार गाउपालिकाको एम्बुलेन्समा राखि तमघास पु¥र्याइएको गाउँपालिकाले जनाएको छ ।

उनिहरुको अहिलेको अवस्था सामान्य रहेको पनि बताइएको छ । मुम्बइबाट आउने एक जना ढोरपाटन नगरपालिका २ सिमलचौर बाग्लुङ्गका र एकजना रेसुङ्गा नगरपालिका १४ रातामाटाका रहेका छ्न । उनीहरु ९ गते बुटवल आएर होटलमा बसेको बताएको छ।

बुटवलबाट आउने मध्येका ४ जना बुटवलमा अध्ययन गरेर बस्दै आएका थिए ।उनीहरु ४ मध्ये २ जना अर्घखाँचीको मालारानी गाउपलिका २ का र अर्का २ जना इश्मा गाउपालिका २ गुल्मिका रहेका छ्न ।

सोमवार राती उनीहरु ६ जानै बुटवलबाट एउटै ट्रकमा छत्रकोट गाउँपालिकाको लुम्छा सम्म आएका थिए। त्यहाँबाट ६ जना नै पैदल यात्रा गरी गुल्मिदरबार गाउँपालिका पुगेका हुन्।