व्यवस्थापन चुनौतीपछि काठमाडौं बाहिर पठाउने निर्णयबाट ३ घण्टामै पछि हट्यो सरकार
तपाईको प्रतिक्रिया
बिहीबार नै सरोकारवालाहरूसँगको छलफलबाट काठमाडौं बाहिर जाने सर्वसाधरणलाई २ दिनको लागि दिने निर्णय व्यवस्थापनमा समस्या देखिएपछि सरकार पछि हटेको छ ।
रक्षा मन्त्रालयमा गरिएको पहिलो चरणको बैठकबाट २ दिनलाई बाहिर जान दिने निर्णय लिइएको थियो । तर, दोस्रो चरणमा गृहमन्त्रालयमा चलेको बैठकले व्यवस्थापनमा समस्या परेपछि निर्णय उल्टाएको हो ।
यसअघि रक्षा मन्त्रालयकै अधिकारीले २ दिनको लागि बाहिर जान दिने निर्णय भएको बताएका थिए । ‘सरोकारवाल मन्त्री ज्यूहरूलाई बोलाएर २ दिन बाहिर जान दिने निर्णय भएको हो’ रक्षा मन्त्रालयका ती अधिकारीले शिलापत्रलाई बताएका थिए ।
त्यसपछि यातायात व्यवसायीसहितको टिम गृह मन्त्रालयमा छलफल गरे पनि व्यवस्थापनमा समस्या देखिएपछि निर्णय उल्टाइएको हो ।
नेपाल यातायात राष्ट्रिय व्यवसायी महासंघ अध्यक्ष योगेन्द्र कर्मचार्यले भोलि र पर्सि उपत्यकाबाट यात्रुहरू लैजाने बारेमा आफूहरूसँग छलफल भएको बताए । ‘भोलि र पर्सि लैजाने भन्ने विषयमा छलफल भएको हो । हामीले काठमाडौंभित्र भएका केही गाडी उपलब्ध गराउने भने भनेका छौँ,’ उनले भने ।
तर, राजमार्गमा कसरी व्यवस्थापन गर्ने र जिल्लासम्मा कसरी पुर्याउने भन्ने चुनाैती देखिएपछि उपत्यकाबाट बाहिर पठाउने निर्णयबाट सरकार पछि हटिएकाे हाे ।
shilaptra.com
Related