थप १० जनामा कोरोना संक्रमण पुष्टि, संक्रमितको संख्या ६९ पुग्यो

नेपालमा आज एकैदिन १० जनामा कोरोना भाइरस संक्रमण देखिएको छ।

पर्साको वीरगन्ज महानगरपालिका ३ छपकैयामा एक ३६ वर्षीय पुरुषमा कोरोनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यसैगरी, नेपालगञ्जमा ९ जनामा पोजिटिभ देखिएको छ।

यो सँगै नेपालमा कोरोना संक्रमितको संख्या ६९ पुगेको स्वास्थ्य मन्त्रालयका प्रवक्ता डा. विकास देवकोटाले जानकारी दिए।