थप तीनजनामा संक्रमण पुष्टि,संक्रमितको संख्या २७६ पुग्यो

कपिलवस्तुका थप तीनजनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयले शनिबार दिएको जानकारी अनुसार प्रादेशिक जनस्वास्थ्य प्रयोगशालामा भैरहवामा भएको परीक्षणमा कपिलवस्तुको चन्द्रौटाका तीनजनामा संक्रमण पुष्टि भएको हो ।

नयाँ संक्रमितमा शिवराज नगरपालिका चन्द्रौटाका २५, ३४ र ४४ वर्षका पुरुष रहेको स्वास्थ्य मन्त्रालयका सह–प्रवक्ता डा. समिरकुमार अधिकारीले बताएका छन् । योसँगै कपिलवस्तुमा कुल संक्रमितको संख्या ४३ पुगेको छ । नेपालमा कुल संक्रमितको संख्या २७६ भएकाे छ ।