म्याग्दीमा एक जना कोरोना संक्रमण देखियो

गण्डकी प्रदेशको म्याग्दी जिल्लामा विहिवार साँझ एक जना कोरोना संक्रमित भेटिएका छन् ।

बेनी नगरपालिकाको क्वारेन्टाइनमा बसेका १ जनालाई कोरोना पुष्टि भएको स्वास्थ्य निर्देशनालय गण्डकीका निर्देशक डाक्टर विनोद विन्दु शर्माले जानकारी दिए । उनी ३० बर्षिय पुरुष हुन् ।

उनलाई सदरमुकामकै आइसोलेसनमा राखेर उपचार गर्ने तयारी भइरहेको छ । विहिवार विहान स्याङजामा ३ जना र नवलपुरमा १ जनामा कोरोना संक्रमण पुष्टी भएको थियो ।

यो संगै गण्डकी प्रदेशमा कोरोना संक्रमितको संख्या १७ पुगेको छ । ती मध्ये २ जना निको भएर घर फर्किसकेका छन् ।