पोखराका ४२ वर्षिय पुरुषमा कोरोना संक्रमण

पोखरामा थप एकजना कोरोना (कोभिड–१९) संक्रमण पुष्टि भएको छ । पोखरा–९ निवासी ४२ वर्षीय पुरुषमा कोरोना संक्रमण देखिएको स्वास्थ्य निर्देशनालय गण्डकीले जनाएको छ ।

उनी महानगरको क्वारेन्टिनमा रहेका थिए । उनलाई अहिले पश्चिमाञ्चल क्षेत्रीय अस्पतालको आइसोलेसन कक्षमा ल्याउने तयारी भएको बताइएको छ ।

योसँगै कास्कीका मात्रै ५ जनामा कोरोना संक्रमण पुष्टि भएको छ । गण्डकी प्रदेशमा कोरोना संक्रमितको संख्या १ सय १५ पुगेको छ ।