दोस्रो पल्ट राहत लिएर सुकुम्बासी बस्ती पुगे अभियान्ता जोडी

महेश सिंह
सिरहाको लहान नगर पालिकाका सुकम्वासी बस्तीमा राहत लिएर एक सामाजिक अभियान्ताको जोडी लागिपरेका छन्।

लहानको वडा नम्बर १३ ,२४ को सुकुम्बासी बस्तीमा राहत दिन अभियान्ता महेश र संगीताको जोडी दोस्रो पटक पुगेका हुन् ।

जेठ ११ गते देखी नेपालमा देश ब्यापी रूपमा सरकारले लकडाउन गरेपछि उनीहरुको जोडी सुकुम्बासी बस्तीमा पुगेर राहत वितरण गर्दै आएको छ। स्थानीय सरकारले ३ महिनाको अबधिमा एक पल्ट मात्र राहत बितरण गरेका थिए ।

महेश र संगीताको जोडीले लहान नगरपालिका वडा नम्बर १३ र २४ का सुकुम्बासी बस्तीमा दोस्रो पल्ट ४२ घर धुरीलाई प्रति घर धुरी १० किलो चमाल,१ पोका खाने तेल, १ प्याकेट नून वितरण गरेका हुन् ।

नेपाली काग्रेसका युवा नेता तथा महासमिति सदस्य महेश चौधरी र नेपाल महिला संघका केन्द्रीय सदस्य संगीता कर्माचार्य निरन्तर तिन महिनादेखि राहत वितरण गर्दै आएका हुन्।

राहत दिन पुगेका अभियान्ता जोड़ीलाई स्म्मान स्वरुप मजदुरहरुले फूलका माला लगाई स्वागत गरेका थिए ।अभियान्ता चौधरीको जोडीले समाजमा सर्वसाधारणको चल्ह्लो बाल्ने काम गरेको देखेर बिभिन्न संघ संस्था र मनकारी युवाहरुले खाध्यान लगायतका सामग्री उपलब्ध गराउदै आएका छन्।

सहयोगका लागि चौधरी ईन्टर प्राईजेका संचालक अनिल चौधरी, पशुपति सिंह र एपोलो ॐ बोर्डिङ स्कुल लहानले राहतका लागि निरन्तर आर्थिक सहयोग गर्दै आएका छन्।

उक्त बस्तीमा खाने पानीका समेत समस्या रहेको छ। खानेपानीका लागी चौधरी र कर्माचार्यले ईनारका लागि समेत पहल गरेका छन् । पत्रकार धर्मेन्द्र पासवानको विशेष आग्रहमा जोडीले राहत लिएर दोस्रो पल्ट पकिटोल पुगेका थिए ।

समाजिक दुरि कायम गरी राहत वितरण गरेको समाज सेवी महेश्वरी चौधरीले जानकारी दिए।