गण्डकी प्रदेशमा थप १४ जना कोरोना संक्रमण पुष्टि, १७ जना आइसोलेसनबाट डिस्चार्ज

गण्डकी प्रदेशमा शुक्रबार साँझ थप१४ जनामा कोरोना संक्रमण पुष्टि भएको छ ।

पोखरा स्वास्थ्य बिज्ञान प्रतिष्ठान र राष्ट्रिय स्वास्थ्य प्रयोगशाला काठमाण्डौंमा गरिएको परीक्षणमा गण्डकीमा थप १४ जनामा कोरोना संक्रमण पुष्टि भएको हो ।

गण्डकी स्वास्थ्य निर्देशनालयका निर्देशक डा. विनोदविन्दु शर्माका अनुसार नयाँ संक्रमितमा लमजुङमा ६ जना, कास्कीमा १ जना,गोरखामा ५ जना र पर्वतमा २ जना रहेका छन् ।

उनका अनुसार सबै संक्रमितलाई सम्बन्धित जिल्लामा रहेका आइसोलेसन कक्षमा लैजाने तयारी भइरहेको छ ।

पोखरास्थित पश्चिमाञ्चल क्षेत्रिय अस्पतालको आइसोलेसनमा उपचाररत १७ जना कोरोना संक्रमित डिस्चार्ज भएका छन। डिस्चार्ज हुनेहरुमा कास्कीका १०जना पुरुष र ४ जना महिला रहेका छन् भने पर्वत,गोरखाका १।१ जना पुरुष र स्याङजाकी १ महिला रहेका छन्।

गण्डकी प्रदेशमा संक्रमितको संख्या ८ सय ६ पुगेको छ। जसमध्ये २ जना संक्रमितले ज्यान गुमाएका छन् । १ सय १८ जना संक्रमण मुक्त भएर डिस्चार्ज भएका छन्।