गण्डकी प्रदेशमा थप ३ जनामा कोरोना संक्रमण, संक्रमितको संख्या १०९१ पुग्यो

गण्डकी प्रदेशमा थप ३ जनामा कोरोना संक्रमण देखिएको छ । प्रदेश क्षयरोग केन्द्र पोखरामा गरिएको परिक्षणमा संक्रमित संख्या थपिएको हो ।

प्रदेशका दुई जिल्ला तनहुँमा २ र बाग्लुङमा १ जना थपिएको स्वास्थ्य निर्देशनालय गण्डकी प्रदेशले जानकारी गराएको छ ।

यससँगै संक्रमितको संख्या १०९१ पुगेको छ । सबै संक्रमित व्यक्तिहरुलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको छ ।