मुस्ताङको नामग्याल गुम्बाको पहिरो पिडितलाई सहयोग

मुस्ताङको लोमन्थाङमा रहेको पाल ऐहाम नामग्याल गुम्बा स्कुलले कोभिड १९ र प्राकृतिक विपत्तिमा परेकाहरुलाई राहत प्रदान गरेको छ ।

लोमन्थाङ गाउपालिका ३ मा स्थाइ रुपमा सञ्चालनमा रही हिउँदको समयमा पोखरा १८ खपौदीमा सञ्चालन हुदै आएको गुम्बा स्कुलले नगद र खाद्यान्न वितरण गरेको हो ।

गुम्बा स्कुलले गण्डकी प्रदेश सरकारले स्थापना गरेको कोरोना रोकथाम तथा नियन्त्रण कोषमा ७० हजार र पोखरा महानगरले स्थापना गरेको कोषमा ५० हजार रुपैया प्रदान गरेको हो ।

त्यसैगरी गुम्बा स्कुलले निरन्तर वर्षा संगै आएको वाढी र पहिरोका कारण घर परिवार गुमाएका परिवारहरुलाई समेत खाद्यान्न सामाग्री प्रदान गरेको छ ।

मुस्ताङबाट गण्डकी प्रदेशमा प्रतिनिधित्व गर्ने सांसद ईन्द्रधारा विष्टको सक्रियतामा पोखरा महानगरपालिकाको वडा नम्बर ३२ लामे आहालमा रहेको राधाकृष्ण वृद्धाश्रममा र पोखरा २६ को पैते डाडा पहिरो पिडितलाई समेत खाद्यान्न सामाग्री प्रदान गरेको हो ।

गुम्बा स्कुलले शुक्रबार राधाकृष्ण वृद्धाश्रम र पोखरा २६ पैते डाडाका पहिरोपिडितलाई राहत स्वरुप खाद्यान्न वितरण गरेको हो ।

पोखरा २६ पैते डाडा पहिरो पिडितहरुलाई करिव ५० घर परिवारलाई लक्षित गरी खाद्यान्न सामाग्री हस्तान्तरण गरेको पोखरा महानगरपालिका वडा नम्बर २६ का अध्यक्ष नारायण वरालले वताए ।

५० घर परिवार विस्थापित भएको र स्थानीय अमरज्योति आधारभुत विद्यालयमा आश्रय लिइरहेको अवस्थामा गुम्बा स्कुलले खाद्यान्न सहयोग गरेको अध्यक्ष वरालले बताए।

गुम्बा स्कुलका प्रध्याना ध्यापक ग्याचो गुरुङ र सोनाम लामाले आफुहरुको स्कुलले कोरोना कोषमा १ लाख २० हजार र प्राकृतिक प्रकोपमा परि घरबार गुमाएका ५ सय परिवारलाई खाद्यान्न सामाग्री वितरण गर्ने आफुहरुको लक्ष्य रहेको वताए ।

पोखरा ३२ र २६ संगै कास्कीका अन्य क्षेत्रमा पहिरोमा परेका परिवारहरुलाई आफुहरुले वर्षायाम नसिद्धिय सम्म खाद्यान्न सामाग्री वितरण गर्ने समेत उनीहरुको भनाइ रहेको थियो ।

हिमाली जिल्ला मुस्ताङको लोमन्थाङ गाउपालिका वडा नम्बर ३ मा रहेको पाल ऐहाम नामग्याल गुम्बा स्कुलले हिउदको समयमा पोखरामा पोखरा महानगरपालिका १८ खपौदीमा स्कुल सञ्चालन गर्दै आएको छ ।