पोखरामा प्रहरीको शुविधा सम्पन्न अस्पताल सञ्चालन

गण्डकी प्रदेश प्रहरीले पोखरामा सुविधासम्पन्न अस्पताल सञ्चालनमा ल्याएको छ ।

पोखरा महानगरपालिका–७ मुस्ताङचोकस्थित निर्माण गरिएको अस्पतालको आइतबार गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक घनश्याम अर्यालले उद्धाटन गरेका हुन् ।

उनले प्रहरी कर्मचारीलाई शिक्षा र स्वास्थ्यमा आत्मनिर्भर बनाउने उद्देश्यले प्रहरी अस्पताल सञ्चालनमा ल्याइएको बताए ।

उनले २०४० सालदेखिनै प्रहरी अस्पतालको परिकल्पना गरेर प्रहरी अस्पताल महाराजगञ्ज काठमान्डौको स्थापना गरिएको बताए ।

नायव महानिरीक्षक अर्यालले अस्पतालबाट तल्लो तहसम्मका प्रहरी कर्मचारी, आश्रित परिवार तथा भूतपूर्व प्रहरी कर्मचारी स्वास्थ्य सेवाबाट प्रत्यक्ष लाभान्वित हुने विश्वास ब्याक्त गरे ।

गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक किरण राणाले देश र जनताको सेवामा समर्पित प्रहरी कर्मचारी र

आश्रित परिवालाई स्वास्थ्य सेवा प्रदान गर्ने गरि आबस्यक सुविधा सहितको अस्पताल सञ्चालन भएकोमा खुशी व्यक्त गरिन् ।

झण्डै साढे तीन दशक अघिबाट काठमाण्डौंको महाराजगन्जमा स्थापना भएको नेपाल प्रहरी अस्पतालबाट उपलब्ध सेवालाई विकेन्द्रीकृत

गर्ने उद्देश्यले २०७४ चैत १७ मा पोखरामा अस्पताल भवनको शिलन्यास गरिएको थियो ।

अस्पतालका सञ्चालनका लागि सरकारले २१ प्राविधिकसहित ४१ जनाको दरबन्दी रहने ब्यवस्था गरेको छ। अस्पतालका प्रमुख एवं

प्रहरी नायब उपरीक्षक डा.नर्मन लामिछानेले जनरल ओपीडी, वार्ड, ल्याब र फार्मेसीसहित हाडजोर्नी, नशा तथा बाथ रोग लगायतका सेवाहरु प्रदान गरिने बताए ।

१ हजार १ सय ६ वर्गफिट क्षेत्रफलमा २८ लाख २३ हजार रुपैयाँको लागतमा भवन निर्माण गरिएको हो ।

भवनको १७ चैत्र २०७४ मा तत्कालिन प्रदेश प्रहरी प्रमुख प्रहरी अतिरिक्त महानिरीक्ष कमल सिंह बमले शिलान्यास गरेका थिए।