सशस्त्र प्रहरीका पूर्वडीआईजी रञ्जन कोइराला रिहा

सशस्त्र प्रहरी बलका पूर्वडीआईजी रञ्जन कोइराला जेलमुक्त भएका छन् ।

सर्वोच्च अदालतको आदेशपछि श्रीमती हत्याको अभियोगमा ८ वर्ष ६ महिना कैद सजाय भुक्तान गरेर कोइराला आज जेलमुक्त भएका हुन् ।

डिल्लीबजार कारागार प्रशासनले कोइरालालाई बिहीबार जेलमुक्त गरेको हो । सर्वोच्च अदालतले १५ असारमा कोइरालाको सजाय घटाउँदै ८ वर्ष ६ महिना कायम गरेको थियो ।

श्रीमती गीता ढकालको हत्या गरेपछि पूर्वडीआईजी कोइराला जेल परेका थिए ।