बागलुङमा बाढी पहिरोमा परी ४ जनाको मृत्यु

सोमबार राती बाढी र पहिरोमा परी बागलुङमा ४ जनाको मृत्यु भएको छ ।

तमानखोला गाउँपालिका–२ का पान बहादुर बिकको घरमाथीबाट आएको पहिरोले घर पुरीँदा उनका १३ बर्षिया छोरा खिम बहादुर बिक र १२ बर्षिया छोरी रिता बिकको मृत्यु भएको हो ।

आमा होम कुमारी बिक गम्भिर घाईते भएकि छन् । त्यस्तै निसीखोला गाउँपालिका–१ का कमल परियारको घर पहिरोले पुरेको छ ।

पहिरोमा परि उनका अन्दाजी ५ बर्षिया छोरा समिर परियारको मृत्यु भएको प्रहरी नायव उपरीक्षक राजेन्द्र रेग्मीले बताए ।

निसीखोला गाउँपालिकामानै अन्दाजी ६० बर्षिया एक महिलाको शव खोलाको छेउमा फेला परेको छ ।