थप ३११ जनामा कोरोना संक्रमण पुष्टि,संक्रमितको संख्या १९०६३ पुग्यो

नेपालमा थप ३११ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या १९ हजार ६३ पुगेको छ ।

स्वास्थ्य मन्त्रालयले दिइएको जानकारी अनुसार विभिन्न जिल्लामा उक्त संख्याका व्यक्तिमा कोरोना पुष्टि भएको हो ।

प्रवक्ता डा जागेश्वर गौतमका अनुसार थप एक जनाको मृत्यु पुष्टि भएको हो । योसँगै नेपालमा मृत्यु हुनेको संख्या ४९ पुगेको छ ।

आईसोलेशनमा ५ हजार १२९ रहेका छन् । मंगलवार २२१ डिस्चार्ज भएका छन्। हाल क्वारेन्टाइनमा १५ हजार ३३१ रहेका छन् ।

कुल डिस्चार्ज हुनेको संख्या १३ हजार ८७५ पुगेको छ । हालसम्म पीसीआर परीक्षण संख्या ३ लाख ५२ हजार ३०७ पुगेको छ /

पछिल्लो २४ घण्टामा ५ हजार ३२ जनाको पीसीआर परीक्षण गरिएको छ ।कोरोनाका एक्टिभ केश ५ हजार १२९ ओटा रहेका छन् ।

मन्त्रालयका अनुसार भोजपुर, संखुवासभा, मनाङ, मुस्ताङ र रसुवा जिल्लामा कोरोना संक्रमित छैनन् /

रौतहट र कैलाली जिल्लामा ५०० भन्दा बढी संक्रमित रहेका छन् ।