थप २७४ संक्रमण पुष्टि, संक्रमितको संख्या १९५४७ पुग्यो

नेपालमा बिहीवार थप २७४ संक्रमण पुष्टि भएको छ । योसँगै नेपालमा कोरोना संक्रमितको संख्या १९ हजार ५४७पुगेको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार कोरोनाका कारण थप तीन जनाको मृत्यु पुष्टि भएको छ ।

योसँगै नेपालका कोरोना संक्रमणबाट मृत्यु हुनेको संख्या ५२ पुगेको छ ।

काठमाडौंमा ४५ संक्रमित थपिएका छन् । आईसोलेशनमा ५ हजार २२७ जना छन् । हालसम्म पीसीआर परीक्षण संख्या ३ लाख ६४ हजार ६४८ पुगेको छ ।

हाल क्वारेन्टाइनमा १३ हजार २०१ जना रहेका छन् । डिस्चार्ज हुनेको संख्या १४ हजार २४८ पुगेको छ ।

मन्त्रालयका अनुसार पछिल्लो २४ घण्टामा ६ हजार ३०४ जनाको पीसीआर परीक्षण गरिएको छ ।