सुनको मुल्यमा नयाँ रेकर्ड ,तोलाको ९९ हजार

बजारमा सुनको मूल्यले फेरी नयाँ रेकर्ड कायम गरेको छ ।

बिहीबार ५०० रुपैयाँले बढेर सुनको मूल्य हालसम्मकै उच्च भएको हो ।

बिहिबार छापावाल सुन प्रतितोला ९९ हजार रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ ।

यसैगरी तेजाबी सुनको भाउ पनि बढेर तोलाको ९८ हजार पाँच सय ६० रुपैयाँ पुगेको छ ।

बुधबार सुन प्रतितोला ९८ हजार ५०० रुपैयाँमा कारोबार भएको थियो ।

कोभिड १९ को महामारीका कारण अन्तर्राष्ट्रिय बजारमा लगानीकर्ताले सुनमा लगानी बढाएपछि भाउ बढेको व्यवसायीको भनाइ छ ।