थप ४१८ जनामा कोरोना संक्रमण, डिस्चार्ज हुनेको संख्या १४ हजार ९६१

देशभर ४१८ जनामा कोरोना भाइरस संक्रमण पुष्टि भएको छ ।

स्वास्थ्य मन्त्रालय प्रवक्ताका प्राडा. जागेश्वर गौतमले थप ४१८ जनामा कोरोना संक्रमण पुष्टि भएको जानकारी दिएका हुन् ।

योसँगै हालसम्म २० हजार ७५० जनालाई कोरोना संक्रमण पुष्टि भएको छ । तीमध्ये ५ हजार ७३२ जना सक्रिय संक्रमित रहेको छ ।

२४ घण्टामा ३५८ जनाले कोरोनालाई पराजित गरेर घर फर्किएका छन् ।

डिस्चार्ज हुनेको संख्या १४ हजार ९६१ रहेको छ । ३ लाख ९८ हजार ९०७ जनाको पीसीआर विधिबाट कोरोना परीक्षण गरिएको छ ।

कोरोना भाइरस संक्रमणबाट ५७ जनाको मृत्यु भएको छ ।