सुनको तोलाको १ लाख ३ हजार ५ सय

सुनको मूल्य तोलाको एक लाख तीन हजार पाँच सय रुपैयाँ पुगेको छ ।

अघिल्लो दिनको तुलनामा सुनको भाउ हजार रुपैयाँ बढेको हो ।

नेपाल सुनचाँदी व्यवसायी महासंघका अनुसार छापावाल सुन बिहीबार एक लाख दुई हजार ५ सय रुपैयाँमा कारोबार भएको थियो ।

यस्तै बुधबार भने प्रतितोला एक लाख एक हजार चार सय रुपैयाँमा कारोबार भएको थियो । आज नेपाली बजारमा छापावाल सुनको मूल्य एक लाख तीन हजार पाँच सय रुपैयाँ कायम रहेको महासंघले जनाएको छ ।

यस्तै छापावाल सुनको मूल्यसँगै तेजाबी सुनको भाउ पनि प्रतितोला हजार रुपैयाँले बढेको छ ।

हिजो बजारमा एक लाख दुई हजार रुपैयाँमा किनबेच भएको तेजाबी सुन आज एक लाख तीन हजार रुपैयाँमा कारोबार भइरहेको छ।