स्याङजाका एसपी सहित ३ प्रहरी कोरोना मुक्त,३६ अझै संक्रमित

स्याङजाका एसपी सहित ३ प्रहरी कोरोना मुक्त भएका छन् ।

एकसाता अघि कोरोना संक्रमण पुष्टि भएका उनीहरुको पीसीआर परीक्षण रिपोर्ट नेगेटिभ आएपछि संक्रमण मुक्त भएका हुन् ।

प्रमुख एसपी सहित तीन जनाको पीसीआर परिक्षण रिपोर्ट नेगेटिभ आएको गण्डकी प्रदेश स्वास्थ्य निर्देशनालयले जनाएको छ।

जिल्ला प्रहरी कार्यलय स्याङजाका प्रमुख (एसपी) विमलराज कडेंलसहित हवल्दार मिनबहादुर शाही र प्रहरी जवान मरकध्वज चौधरी कोरोना मुक्त भएका हुन् ।

गत हप्ता जनताको सेवामा निरन्तर लागि परेका प्रहरी प्रमुख ३९ जना कर्मचारीमा कोरोना पुष्टि भएको थियो ।

जिल्लामा अझै ३६ जना प्रहरी कर्मचारी भिरकोट हेलुस्थित कालिका सामुदायिक अस्पतालको आइसोलेसनमा उपचाररत छन् ।