पोखरामा समुदायस्तरमा कोरोना संक्रमण ; वडानं ९ मा एउटै परिवारका ७ जनामा कोरोना पुष्टि

पोखरा समुदायस्तरमै कोरोना संक्रमण भेटिएको छ।

मंगलबार महानगरपालिका वडा नं. ९ मा ११ वर्षीय बालिकासहित ७ जना र वडानं १९ मा ४ जनामा कोरोना संक्रमण देखिएको हो।

वडानं ९ का संक्रमितहरु सवै एउटै परिवारका सदस्य भएको बुझिएको छ। उनीहरुको कुनै ट्राभल हिस्ट्री छैन ।

संक्रमण भएका ७ जनामध्ये दुई जना पुरुष र चार जना महिला रहेको गण्डकी प्रदेश स्वास्थ्य निर्देशनालयले जनाएको छ।

उनीहरुलाई संक्रमण देखिएपछि समुदायस्तरमै कोरोना संक्रमण फैलिएकोमा कुनै संदेह नभएको वडाध्यक्ष रामराज लामिछानेले बताए ।

कोरोना संक्रमित एउटै परिवारका भएकाले अन्यत्र फैलिन नदिनका लागि के गर्ने भन्ने वारेमा छलफल गरिरहेको उनले बताए ।

योसंगै गण्डकी प्रदेशमा १७ जना कोरोना संक्रमित थपिएका छन् । यसैगरी स्याङ्जामा पनि छ जना कोरोना संक्रमित थपिएका छन् ।

जिल्ला नै सिल गरिएको स्याङ्जाको पुतलीबजारमै छ जना संक्रमित भेटिएका हुन् । जसमा चार महिला र दुई पुरुष रहेका छन् ।

स्वास्थ्य निर्देशक डा.विनोदविन्दु शर्माका अनुसार नयाँ संक्रमितहरुमा पोखरा महानगरमा ११ र स्याङजा ६ जना रहेकाछन् ।

कोरोना संक्रमितहरुलाई सम्वन्धित जिल्लाको आईसोलेसन लैजाने तयारी भइरहेको स्वास्थ्य निर्देशक डा. शर्माले जनाकारी दिए ।

योसँगै गण्डकीमा संक्रमितको संख्या १ हजार ६ सय ४८ पुगेको छ। प्रदेशमा कोरोनको संक्रमणबाट निकोहुनेको संख्या १ हजार ४ सय ९३ पुगेको प्रदेश स्वास्थ्य निर्देशनालयले जानकारी दिएको छ ।

गण्डकी प्रदेशमा संक्रमण भएर आइसोलेसनमा रहेकाको संख्या १ सय ४४ रहेको छन।

प्रदेशमा संक्रमण भएका १ हजार ६ सय २० मध्ये अहिले सम्म १ हजार ३ सय ९० पुरुष र १ सय ९२ महिला रहेका छन् ।

प्रदेशमा सवै भन्दा धेरै नवलपरासी पूर्वमा ३ सय ३० जनामा संत्रमण देखिएको छ । मनाङ र मुस्ताङमा भेटिएका १।१ जना संक्रमित निको भएर घर फर्किएका छन।

गण्डकी प्रदेशका ११ जिल्ला मध्ये मनाङ र मुस्ताङ बाहेकका ९ जिल्लामा १ हजा १६ जना क्वारेन्टानइमा रहेका छन ।

हाल मनाङ र मुस्ताङका क्वारेन्टाइन खाली भएका छन् ।गण्डकी प्रदेशमा अहिलेसम्म कोरोना संक्रमणबाट ५ को मृत्यु भएको छ।

मृत्यु हुनेमा कास्कीको पोखरा १९ का ६२ बर्षिय १ पुरुष, बागलुङका १,गोरखाका १ र स्याङजाका २ जना रहेका छन् ।