कोरोना लक्षण देखिएर अस्पतालमा भर्ना भएका २ जनाको मृत्यु

बुटवलको कोरोना विशेष अस्पतालमा २ जनाको मृत्यु भएको छ ।

कोरोना लक्षण देखिएर अस्पतालमा भर्ना भएका कपिलवस्तुका २ जनाको मंगलबार राती मृत्यु भएको हो ।

उनीहरू तौलिहवा र कृष्णनगरका २५ र ४२ वर्षीय पुरुष हुन् ।

मृत्यु हुनेमध्ये कपिलवस्तुका ४२ वर्षीय पुरुष कोरोना पोजिटिभ हुन् । उनी कोरोना भाइरसको लक्षण देखिएर २५ साउनमा भर्ना भएका थिए ।

उनलाई भेन्टिलेरमा राखेर उपचार भइरहेकोमा स्वास्थ्यमा समस्या आएर मृत्यु भएकाे अस्पतालका फोकलपर्सन डा. सुर्दशन थापाले बताए।

त्यस्तै, २५ वर्षीय युवा प्रादेशिक अस्पताल बुटवलमा उपचारका लागि आएका थिए ।

उपचारका लागि आएका उनलाई कोरोनाको लक्षण देखिनासाथ कोरोना विशेष अस्पताल ल्याएर भेन्टिलेटरमा राखिएको थियो ।