सुनको भाउ तोलामा २ हजार ४ सय रुपैयाँ बढ्यो

सुनचाँदीको भाउ आज फेरि बढेको छ।

सुन आज तोलामा २ हजार ४ सय रुपैयाँ बढेर तोलाको ९७ हजार ८ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ ।

यसअघि हिजो एकैदिन तोलामा ६ हजार २ सय रुपैयाँ घटेर सुनको भाउ तोलाको ९५ हजार ४ सय रुपैयाँमा झरेको थियो ।

यस्तै आज चाँदीको भाउ पनि बढेको छ । तोलामा ८५ रुपैयाँ बढेर एक हजार २ सय ९५ रुपैयाँ पुगेको महासङ्घले जनाएको छ ।