थप ५२५ जनामा कोरोना पुष्टि, संक्रमितको संख्या २४ हजार ९५७ पुग्यो

पछिल्लो २४ घण्टाको अवधिमा थप ५२५ जनामा कोरोना भाइरस (कोभिड-१९) संक्रमण पुष्टि भएको छ ।

देशभर थप ५२५ जनामा कोरोना संक्रमण देखिएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।

योसँगै देशभर संक्रमितको संख्या २४ हजार ९५७ पुगेको छ । सक्रिय संक्रमित ८ हजार २५ रहेको मन्त्रालयले जनाएको छ ।

देशभर ४६६ जना होम क्वारेन्टाइनमा रहेका छन् ।२४ घण्टाको अवधिमा १०९ जना निको भएर डिस्चार्ज भएका छन् । अहिलेसम्म १६ हजार ८३७ जना निको भएको उनले जानकारी दिए.