अस्पतालका मेसुसहित ४ जना स्वास्थ्यकर्मीलाई कोरोना संक्रमण पुष्टि

चितवनको भरतपुर अस्पतालको आकस्मिक कक्ष बन्द (सिल) गरिएको छ ।

भरतपुर अस्पतालका तीन जना चिकित्सक र एक स्वास्थ्यकर्मीसहित चार जनालाई शनिवार गरिएको नमूना परीक्षणमा कोरोना संक्रमण पुष्टि भएको छ ।

भरतपुर अस्पतालका प्रमुख मेडिकल सुपरिटेण्डेन्ट, प्रसुती विभागका प्रमुख, आकस्मिक कक्षका अर्का एक चिकित्सक र एकजना नर्स रहेकी छन् ।

अस्पतालका अध्यक्ष भोजराज अधिकारीले संक्रमण पुष्टि भएका चार जनाकै स्वास्थ्य अवस्था सामान्य रहेको छ । अस्पतालका मेसु अहिले अस्पतालकै एउटा क्याबिनमा रहेका छन् ।

शनिवार प्रयोगशालामा ४७४ नमूना परीक्षण गरिएको मध्ये २८ जनामा संक्रमण देखिएको हो

भरतपुरको प्रयोगशालामा बिहीबार परीक्षण गरिएकामध्ये १६ जनामा कोरोना सङ्क्रमण पुष्टि भएको थियो ।

तीमध्ये १५ जनाको स्वाब भरतपुर अस्पतालबाट र एक जनाको पुरानो मेडिकल कलेजबाट लिइएको हो ।