थप ६४१ जना संक्रमित थपिए, १३४ डिस्चार्ज

पछिल्लो २४ घण्टाको अवधिमा थप ६४१ जनामा कोरोना भाइरस संक्रमण पुष्टि भएको छ ।

देशभरमा थप ६४१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

उनका अनुसार देशभर कुल संक्रमितको संख्या २६ हजार ६६० पुगेको छ । संक्रमितमध्ये ९ हजार २२१ जना सक्रिय संक्रमित रहेका छन् भने ८ हजार ७१४ जना आइसोलेसनमा रहेका छन् ।

१३४ जना कोरोना संक्रमणमुक्त भएका छन् । अहिलेसम्म १७ हजार ३३५ जना निको भएको मन्त्रालयको तथ्यांक रहेको छ ।