पोखरामा थप १६ सहित गण्डकीमा २४ संत्रमित थपिए, संक्रमितको संख्या १ हजार ८ सय १२

गण्डकी प्रदेशमा थप २६ जनामा कोरोना संक्रमण पुष्टि भएको छ ।

पोखरा क्षयरोग केन्द्रमा गरिएको परीक्षणमा गण्डकीमा थप २४ जनामा कोरोना पुष्टि भएको हो ।

गण्डकी स्वास्थ्य निर्देशनालयका निर्देशक डा.विनोदविन्दु शर्माका अनुसार नयाँ संक्रमितहरु पोखरा महानगरका १६ र बाग्लुङका ८ जनामा कोरोना संक्रमण पुष्टि भएको हो ।

पोखराको वडा नम्बर ७ मा मात्र १६ जना र बागलुङमा ८ जनामा कोरोना संक्रमण पुष्टि भएको स्वस्थ्य निर्देशनालय डा शर्माले बताए।
कोरोना संक्रमितहरुलाई आईसोलेसन लैजाने तयारी भइरहेको स्वास्थ्य निर्देशक डा. शर्माले जनाकारी दिए ।

योसँगै गण्डकीमा संक्रमितको संख्या १ हजार ८ सय १२ पुगेको छ। प्रदेशमा कोरोनको संक्रमणबाट निकोहुनेको संख्या १ हजार ५ सय ५० पुगेको प्रदेश स्वास्थ्य निर्देशनालयले जानकारी दिएको छ ।

गण्डकी प्रदेशमा क्वारेनटाइमा रहेकाको संख्या १ हजार १ सय ५० रहेको छ। प्रदेशमा सवै भन्दा धेरै नवलपरासी पूर्वमा ३ सय ४९ जनामा संक्रमण देखिएको छ । मनाङ र मुस्ताङमा भेटिएका १।१ जना संक्रमित निको भएर घर फर्किएका छन।

गण्डकी प्रदेशका ११ जिल्ला मध्ये मनाङ र मुस्ताङ बाहेकका ९ जिल्लामा १ हजा १ सय ५० जना क्वारेन्टानइमा रहेका छन । हाल मनाङ र मुस्ताङका क्वारेन्टाइन खाली भएका छन् ।

गण्डकी प्रदेशमा अहिलेसम्म कोरोना संक्रमणबाट ६ जनाको मृत्यु भएको छ। मृत्यु हुनेमा कास्कीमाा २ बागलुङका १,गोरखाका १, तनहुँका १ र स्याङजाका २ जना रहेका छन् ।