अस्पतालमा कोभिड-१९ संक्रमित दुई जनाको मृत्यु

कोभिड-१९ का थप दुई जना संक्रमितको पाटन अस्पतालमा मृत्यु भएको छ।

अस्पतालमा उपचारका क्रममा दोलखाकी ३० वर्षीया महिलाको बिहान मृत्यु भएको कोभिड-१९ संकट ब्यवस्थापन केन्द्रले जनाएको छ।

मृतक महिला भदौं २ गते कोभिड-१९ संक्रमण पुष्टिपछि अस्पतालमा भएकी थिइन्।

त्यस्तै शुक्रवार नै सर्लाही मलंगवाका ४६ वर्षका पुरुषको पनि पाटन अस्पतालमा उपचारका क्रममा मृत्यु भएको छ।

साउन ३१ गते संक्रमण पुष्टि भएसँगै अस्पतालमा भर्ना गरिएका उनको उपचारको क्रममा शुक्रवार बिहान मृत्यु भएको केन्द्रले जनाएको छ।