थप ८३८ जनामा कोरोना भाइरसको संक्रमण पुष्टि

नेपालमा शुक्रबार थप ८३८ जनामा कोरोना भाइरसको संक्रमण पुष्टि भएको छ ।

यो सँगै कोरोना संक्रमितको संख्या ३० हजार ४८३ पुगेको छ ।

पछिल्लो २४ घण्टामा१३ हजार ५७९ जनाको पीसीआर परीक्षणमा २९२ महिला र ५४६ जना पुरुषमा संक्रमण देखिएको स्वास्थ्य मन्त्रालयको प्रेस ब्रिफिङमा प्रवक्ताडा.जागेश्वर गौतमले जानकारी दिए।

याे सँगै नेपालमा संक्रमित हुनेकाे संख्या ३० हजार ४८३ पुगेकाे छ।सक्रिय संक्रमित १२ हजार १३२ रहेका छन् ।

२४ घण्टामा थप २५० जना संक्रमणमुक्त भएका छन् । योसँगै नेपालमा संक्रमण भएर निको हुनेको संख्या १८२१४ पुगेको छ ।

मन्त्रालयका अनुसार शुक्रबारसम्म कोरोनाका कारण ज्यान गुमाउनेको संख्या १३७ पुगेको छ ।