थप ८१८ जनामा कोरोना संक्रमण पुष्टि, संक्रमितको संख्या ३१ हजार ९३५ पुग्यो

नेपालमा आइतबार थप ८१८ जनामा कोरोना भाइरसको संक्रमण पुष्टि भएको छ ।

यो सँगै कोरोना संक्रमितको संख्या ३१ हजार९३५ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आइतबार नियमित लाइभ अपडेटमा जानकारी दिएका हुन् ।

२४ घण्टामा २८१ जना कोरोना संक्रमणमुक्त भएका छन् । योसँगै संक्रमण भएर निको हुनेको संख्या १८ हजार ६३१ पुगेको छ ।

यसअघि शनिबारको तथ्यांकअनुसार नेपालमा कोरोना संक्रमणमुक्त हुनेको संख्या १८ हजार ३५० थियो ।

ज्यान गुमाउनेको संख्या १४६ पुगेको थियो । आज थप ३ जनाको मृत्यु भएसँगै ज्यान गुमाउनेको संख्या १४९ पुगेको छ ।