तनहुँमा मृत अवस्थामा चितुवा फेला पर्यो

तनहुँको व्यास -५ पतेनिमा बुधबार बिहान मृत अवस्थामा चितुवा फेला परेको छ ।

खेतमा मृत फेला परेको चितुवा करिब १ वर्षको रहेको डिभिजन बन कार्यालय तनहुँका प्रमुख केदार बरालले जानकारी दिए ।

‘मृत फेला परेको चितुवा भाले हो । प्रमुख बरालले भने ‘हेर्दा रोगी जस्तो देखिन्थ्यो । आफै मरेको जस्तो देखिन्छ ।’

‘एकदमै गन्हाएको अवस्थामा फेला परेको थियो, करिब ४-५ दिन अघि मरेको हुनुपर्छ’ बरालले थपे । स्थानिय विष्णु वाग्लेको खेतमा हिलै हिलो अवस्थामा उक्त चितुवा मृत अवस्थामा फेला परेको प्रमुख बरालले बताए ।

उक्त चितुवा डिभिजन बन कार्यालय तनहुँको कार्यालय परिसरमा गाडिएको प्रमुख बरालले जानकारी दिए ।