पोखरामा बैंकका कर्मचारी सहित गण्डकीमा ७ जना कोरोना संक्रमित थपिए

गण्डकी प्रदेशमा थप ७ जनामा कोरोना भाइरस संक्रमण पुष्टि भएको छ ।

लमजुङ र कास्कीमा थप संक्रमित भेटिएका हुन् । लमजुङमा ६ र कास्कीमा एक जनामा संक्रमण देखिएको स्वास्थ्य निर्देशनालय गण्डकीले जनाएको छ ।

लमजुङका संक्रमित सबै नेपाल प्रहरी हुन् । कास्की पोखरा महनगर १० का संक्रमित मेघा बैंक बगर शाखामा कार्यरत कर्मचारी हुन् ।

निर्देशनालयले दिउसो १ः४५ बजे सार्वजनिक गरेको तथ्याङक अनुसार गण्डकी प्रदेशमा २ हजार ९४ जनालाई कोरोना भाइरस संक्रमण देखिएको छ ।