पोखराको फेवासिटी अस्पतालमा उपचाररत महिला सहित गण्डकी प्रदेशमा थप ७ जनामा कोरोना पुष्टि

गण्डकी प्रदेशमा थप ७ जनामा कोरोना भाइरस संक्रमण पुष्टि भएको छ।

पोखरा स्वास्थ्य विज्ञान प्रतिष्ठान तथा क्षयरोग उपचार केन्द्र पोखरामा गरिएको परीक्षणका क्रममा पोखरा महानगरपालिकामा ३ सहित गण्डकीका विभिन्न जिल्लामा ७ जनामा संक्रमण देखिएको हो।

पोखरा महानगरपालिका वडा नम्बर ६ का ७३ वर्षीय पुरुष सहित, वडा नम्बर ८ का ५५ वर्षीय तथा वडा नम्बर १५ का ५६ वर्षीय पुरुषलाई कोरोना भाइरस संक्रमण पुष्टि भएको गण्डकी प्रदेश स्वास्थ्य निर्देशनालय ले जानकारी दिएको छ।

निर्देशनालयका अनुसार तनहुँको भानु नगरपालिका वडा नम्बर ५ का ४४ वर्षीय पुरुषलाई कोरोना संक्रमण पुष्टि भएको छ । यसै गरी लमजुङको बेसीसहर नगरपालिका १० का ७१ वर्षीय महिलालाई कोरोना संक्रमण पुष्टि भएको छ ।

संक्रमित महिला पोखराको फेवासिटी अस्पतालमा उपचाररत रहेकी छिन् ।

यता गोरखाको गोरखा नगरपालिका वडा नम्बर १३ का ३२ र ३६ वर्षीय २ जना महिलालाई कोरोना भाइरस संक्रमण पुष्टि भएको छ ।

दुवै महिलालाइ चितवनको भरतपुर अस्पतालमा गरिएको परीक्षणका क्रममा कोरोना भाइरस संक्रमण पुष्टि भएको हो ।

योसंगै गण्डकी प्रदेशमा कोरोना संक्रमितको कुल संख्या २ हजार १ सय ४४ पुगेको छ ।