वर्षासंगैपरेको चट्याङले एक जनाको मृत्यु,आधादर्जन घाइते

चट्याङले लागेर बागलुङको वडिगाड गाउँपालिकामा एक जनाको मृत्यु भएको छ ।

चट्याङले लागेर वडिगाड गाउँपालिका–१० दर्लिङ दहका ५० बर्षिय अशोक बुढाको मंगलवार साँझ मृत्यु भएको हो ।

सोही ठाउँका अन्य छ जना घाईते भएको वडाअध्यक्ष बिरेन्द्र बुढा मगरले जानकारी दिए । चट्याङले स्थानीय किसानले पालेका दुइ बाख्रा पनि मारेको छ ।

बर्षा भैरहेको र पहिरोका कारण सडक सञ्जाल टुटेकाले घाईतेको उपचारमा समस्या भैरहेको वडाअध्यक्ष बुढाले बताए ।

मंगलबार राति देखि परेको बर्षा र चट्याङका कारण जिल्लाभर भएको क्षतिको बिबरण संकलन भैरहेको प्रहरी जानकारी दिएको छ।

बर्षासँगै परेको चट्याङले लागेर पर्वतको फलेवासमा चार जना घाईते भएका छन्भने एक गोठमा परेको चट्याङले चार बाख्रा मारेको छ ।

फलेवास नगरपालिका–९ भंगरामा परेको चट्याङले लागेर सोही ठाउँका बाबुराम सुनुवारकी श्रीमति शोभा सुनुवार गम्भिर घाईते भएकी छन् ।

सोही ठाउँका अन्य तिन जना सामान्य घाईते भएका छन् ।