पोखरामा २३ सहित गण्डकी प्रदेशमा ३५ कोरोना संक्रमित थपिए, पोखरामा एकैपटक २० प्रहरीमा संक्रमण

पोखरामा एकैपटक २३ जनामा कोरोना संक्रमण पुष्टि भएको छ ।

क्षयरोग उपचार केन्द्र पोखरा,भरतपुर अस्पताल चितवन र राष्ट्यि जनस्वास्थ्य प्रयोगशाला काठमाण्डौंमा गरिएको परीक्षणमा पोखरा महानगरपालिकाका २३ जना सहित गण्डकी प्रदेशमा ३५ जनामा कोरोना संक्रमण पुष्टि भएको छ ।

संक्रमित मध्ये सबैभन्दा धेरै पोखरा १७ नम्वर वडाका छन् ।

संक्रमितहरुमा २१ देखी ४२ बर्ष उमेर समुहका २० जना नेपाल प्रहरीमा कार्यरत पुरुषमा कोरोना पुष्टि भएको गण्डकी प्रदेश स्वास्थ्य निर्देशनालका निर्देशक डा. विनोद विन्दु शर्माले बताए ।

निर्देशक डा. शर्माका अनुसार पोखरा महानगरपालिका १४ का ३० र ५७ वर्षीया महिलामा कोरोना पुष्टि भएको छ ।

त्यसैगरी वडानं १३ का २७ वर्षीय पुरुषमा समेत कोरोना संक्रमण पुष्टि भएको छ।

त्यस्तै गण्डकी प्रदेशका तनहुँमा १ , लमजुङमा ४ र नवलपुरमा ७ जनालाई कोरोना पुष्टि भएको छ ।

योसंगै गण्डकी प्रदेशमा संक्रमितको संख्या २ हजार २ सय ४५ पुगेको छ।

गण्डकी प्रदेशमा अहिले सम्म कोरोना संक्रमणका कारण १४ जनाको मृत्यु भएको छ।