गण्डकी प्रदेशमा ८३ जनामा कोरोना भाइरस संक्रमण पुष्टि,१ हजार ७९७ जना निको

गण्डकी प्रदेशमा थप ८३ जनामा कोरोना भाइरसको संक्रमण पुष्टि भएको छ । स्वास्थ्य निर्देशनालय गण्डकीले सार्वजनिक गरेको तथ्याङक अनुसार पछिल्लो २४ घण्टामा ७०७ नमुना परिक्षण भएको छ ।

कास्कीमा सबैभन्दा बढि ३२ जनामा संक्रमण पुष्टि भएको छ । यसैगरि गोरखामा १८, नवलपुरमा १५, लमजुङमा १४ र तनहुँमा ४ जनामा संक्रमण पुष्टि भएको छ ।

सबै भन्दा धेरै संक्रमित नवलपुर जिल्लामा भेटिएका छन् । नवलपुरमा ५६० जनामा संक्रमण देखिएकोमा हाल १९३ जना आइसोलेसनमा छन् । संक्रमितको संख्या दोस्रो स्थानमा रहेको कास्कीमा सक्रिय संक्रमितको संख्या भने सबैभन्दा बढि छ ।

कास्कीमा ४७८ जनामा संक्रमण देखिएकोमा २४६ जना आइसोलेसनमा रहेको निर्देशनालयको तथ्याङक छ ।

यस्तैगरि लमजुङमा १५७, तनहुँमा ६९, गोरखामा ५९, स्याङजामा २६, बाग्लुङमा २५, पर्वतमा ६, मनाङमा २, म्याग्दीमा १ र मुस्ताङमा शून्य संक्रमित छन् ।

५२ हजार ५९३ वटा नमुना परिक्षण गर्दा प्रदेशभर हालसम्म २६ सय जनामा कोरोना भाइरस पोजेटिभ देखिएको छ । जसमध्य १ हजार ७९७ जना निको भइसकेको निर्देशनालयको तथ्याङकले देखाउछ ।

पछिल्लो २४ घण्टामा मुस्ताङ, मनाङ र पर्वतमा पिसिआर परिक्षण भएको छैन ।

स्याङजामा २, लमजुङमा ६१, तनहुँमा ७५, बाग्लुङमा ८९, गोरखामा १०३, नवलपुरमा १५४ र कास्कीमा १९५ वटा नमुना परिक्षण भएको निर्देशनालयले जानकारी दिएको छ ।