पोखरामा ९ सहित गण्डकी प्रदेशमा थप ११ जनामा कोरोना संक्रमण पुष्टि

गण्डकी प्रदेशका थप ११ जनामा कोरोना संक्रमण पुष्टि भएको छ ।

क्षयरोग उपचार केन्द्र, पोखरा र चितवन मेडिकल कलेज, चितवन गरिएको परिक्षणमा गण्डकी प्रदेशमा थप ११ जनामा कोरोना पुष्टि भएसगैको संक्रमितहरुको संख्या २६७२ पुगेको छ ।

स्वास्थ्य निर्देशनालयका अनुसार पोखरा महानगरपालिकाका ९ जना, बागलुङको तमानखोला गाउँपालिकाका– १ का २६ बर्षिय पुरुष र नवलपरासि (सुस्ता पुर्व)को गैंडाकोट नगरपालिकाका–१ का ५४ बर्षिय पुरुष संक्रण पुष्टि भएको हो ।

पोखरा र बागलुङका १० जनाको क्षयरोग उपचार केन्द्र पोखरामा जाँच भएको थियो, भने गैंडाकोटका ५४ बर्षिय पुरुषको चितवन मेडिकल कलेजमा जाँच भएको हो ।

पोखरा महानगरपालिका–१३ का ३८ बर्षीय महिला साउदी अरबबाट आएकी हुन्, पोखरा– १७ का र वार्ड नखुलेका २२ र २४ बर्षका २ जना पुरुष भारतबाट आई क्वारेन्टाइनमा बसेका हुनभने अरुसबै संक्रमित व्यक्तिहरु कन्ट्याक ट्रेसिङका हुन् ।

उनीहरु सबैलाई आईसोलेसन केन्द्रमा लैजाने तयारी भैरहेको स्वास्थ्य निर्देशनालय पोखराले जनाएको छ ।