घरबेटीको कुटाइबाट भाडामा बस्ने एक व्यक्तिको मृत्यु

काठमाडौंको कीर्तिपुरमा घरबेटीको कुटाइबाट भाडामा बस्ने एक व्यक्तिको निधन भएको छ ।

कीर्तिपुर नगरपालिका– ७ मा घरबेटी प्रेमलाल महर्जनको कुटाइवाट घरभाडामा बस्नेको निधन भएको हो ।

उनले काठको भाटाले हानेका थिए । उनको कुटाइवाट भाडामा बस्ने ४० वर्षका शम्भु चौधरीको निधन भएको महानगरीय प्रहरी प्रभाग कीर्तिपुरका डीएसपी रुकेश तन्डुकारले जानकारी दिए ।

उनका अनुसार शुक्रबार विहान सामान्य विवादमा घरबेटी महर्जनले चौधरीमाथि कुटेका थिए ।

कुटाइवाट घाइते चौधरीको कीर्तिपुर अस्पतालमा उपचारका क्रममा निधन भएको हो । प्रहरीले घरबेटी महर्जनलाई पक्राउ गरेको छ ।