शुक्लागण्डकी नगरपालिकाको हटियामा जीप दुर्घटना, ७ जना घाइते

तनहुँको दुलेगौँडा-हर्कपुर सडकखण्डमा शुक्रबार दिउँसो यात्रुवाहक जीप दुर्घटना भएको छ ।

दुलेगौँडा बजारबाट व्यागनतर्फ जाँदै गरेको ग १ ज ६०१९ नम्बरको यात्रुवाहक जीप शुक्लागण्डकी नगरपालिका–३ हटियामा दुर्घटना भएको हो ।

उक्त दुर्घटनामा ७ जना घाइते भएको जिल्ला प्रहरी कार्यालय तनहुँका डिएसपी युवराज तिमिल्सिनाले जानकारी दिए ।

‘घाइतेलाई दुलेगौंडाको अस्पतालमा पठाइएको छ ।’ डिएसपी तिमिल्सिनाले भने ‘३ जना घाइतेको अवस्था मध्यम र ४ जनाको अवस्था सामान्य रहेको छ ।

अबिरल वर्षाको कारणले कच्ची सडकको बिग्रदो अवस्था हुँदा ग्रामीण सडकको दुर्घटना हुने गरेको छ ।