गण्डकी प्रदेशमा कोरोना संक्रमणबाट थप ३ जनाको मृत्यु

गण्डकी प्रदेशमा थप ३ जनाको कोरोना भाइरस संक्रमणबाट मृत्यु पुष्टि भएको छ।

मृत्यु हुनेमा तनहुँ, गोरखा र कास्की जिल्लाका एकएक जना रहेको स्वास्थय निर्देशनालय गण्डकीले जनाएको छ ।

स्वास्थय निर्देशनालयका अनुसार तनहुँ आंबुखैरेनी नगरपालिका ४ निवासी ७६ बर्षीया महिलाको भदौ २४ गते मनमोहन कार्डियो भास्कुलर उपचार केन्द्र महाराजगंज काठमाडौंमा उपचारको क्रममा उनको निधन भएको छ ।

भाद्र २० गते अस्पताल भर्ना भएकी ती महिलाको २३ गते संक्रमण पुष्टि भएको थियो । उनलाई मुटु सम्बन्धि समस्या रहेको निर्देशनालयले जानकारी दिएको छ ।

त्यसै गरि गोरखा जिल्ला भीमसेनथापा गाउँपालिका ३ की ४५ बर्षीय पुरुषको त्रिभुवन विश्वविद्यालय शिक्षण अस्पताल काठमाडौं भदौ २७ गते मृत्यु भएको हो ।

मृगौला सम्बन्धि समस्या रहेका उनलाई भदौ २३ मा संक्रमण पुष्टि भएको थियो ।

यस्तै कास्की जिल्ला मादि गाउँपालिका ४ घर भई हाल काठमाण्डौ नयाँबजार बस्ने ५१ बर्षीय पुरुषको भदौ २४ गते मृत्यु भएको निर्देशनालयले जानकारी दिएको छ ।

क्यान्सर र हाइपोथाइाडिजमका विरामी समेत रहेकी उनलाइ उपचारका क्रममा सशस्त्र प्रहरी वल अस्पताल काठमाडौंमा भदौ २४ गतेमा उनलाई कोरोना पोजेटिभ देखएिको थियो ।

यो सगै गण्डकी प्रदेशमा कोरोना संक्रमणबाट मृत्यु हुनेको संख्या २७ पुगेको छ ।