कास्कीमा ३४ सहित गण्डकीमा थप ४४ जनामा कोरोना,मृत्यु हुनेको संख्या २८ पुग्यो

गण्डकी प्रदेशमा थप ४४ जनामा कोरोना संक्रमण पुष्टि भएको छ ।

प्रदेश क्षयरोग उपचार केन्द्रमा गरिएको परीक्षणमा ४ जिल्लाका ४४ जनामा संक्रमण पुष्टि भएको हो ।

कास्कीमा ३४, तनहुँमा ६, लमजुङमा ३ र स्याङ्जामा १ जना थपिएका हुन् ।सबै संक्रमित व्यक्ति कन्ट्रयाक ट्रेसिङबाट पहिचान भएका हुन् ।

उनीहरु सबैलाई आइसोलेसन केन्द्रमा लैजाने तयारी भइरहेको छ ।

त्यस्तै, नवलपरासी (ब.सु.पू.) जिल्ला, मध्यबिन्दु-१२ का ६० वर्षिय पुरुषको लुम्बिनी अस्पताल, रुपन्देहीमा मृत्यु भएको छ ।

निमोनिया र श्वासप्रश्वास सम्बन्धि समस्याको उपचार गराइरहेका उनको कोरोनाको संक्रमण पुष्टी भएको छ ।

योसँगै गण्डकी प्रदेशमा कोरोनको संक्रमणका कारण मृत्यु हुनेको संख्या २८ पुगेको छ ।