पोखराको मणिपालमा १ सहित गण्डकी प्रदेशमा २ जनाको कोरोना संक्रमणबाट मृत्यु

गण्डकी प्रदेशमा कोरोना संक्रमित मृतकको संख्या ३१ जना पुगेको छ ।

गएराति थप २ जना संक्रमितको मृत्यु भएसँगै मृतकको संख्या ३१ पुगेको हो ।

गएराति गोरखा, बारपाक सुलिकोट ८ का ६३ वर्षीय महिलाको काठमाडौंको सैनिक अस्पताल छाउनीमा मृत्यु भएको छ ।

यस्तै पोखरा महानगरपालिकाका ७० वर्षीय पुरुषको मणिपाल अस्पताल पोखरामा उपचारको क्रममा मृत्यु भएको छ ।

यससँगै गण्डकी प्रदेशमा कुल कोरोना संक्रमित मृतकको संख्या ३१ पुगेको प्रदेश सामाजिक विकास मन्त्रालय, स्वास्थ्य निर्देशनालय, रामघाटले जनाएको छ ।