मृत्युपछि कोरोना देखिएकी महिलाको दाहासंस्कारमा सहभागि सांसदसहित मलामीको पीसीआर रिपोर्ट नेगेटिभ

पोखरामा गत शुक्रबार दाहासंकार गरिएकी महिलामा कोरोना संक्रमण पुष्टि भएपछि मलामी गएका सांसदसहितका मलामीहरुको पीसीआर परिणक्ष रिपोर्ट नेगेटिभ आएको छ।

दाहासंस्कारमा सहभागी भएका सांसदसहित मलामीहरुको पीसीआर परिक्षणको रिपोर्ट नेगेटिभ आएको छ।

गत बिहीबार फिस्टेल अस्पतालमा उपचारका क्रमा पोखराको मालेपाटन की ४७ बर्षिय महिलाको मृत्यु भएको थियो ।

उनी ब्लडक्यान्सरबाट पीडित भएकाले अस्पतालका स्वास्थ्यकर्मी यही रोगका कारण मृत्यु भएको भन्दै शव दाहासंस्कार गर्न दवाव दिएपछि उनको पोखराको रामघाटस्थित सेतीनदीमा दाहासंस्कार गरिएको थियो ।

दाहासंस्कार गरेपछि मृतक महिलाको पीसीआर रिपोर्टमा कोरोना संक्रमण पुष्टि भएपछि दाहासंस्कारमा सहभागि भएका गण्डकी प्रदेशका सांसद सामजी बराल, राजिव पहारी लगायतका सहभागीहरु होम क्वरेन्टाइनमा बसेका थिए।

अहिले सम्मको पीसीआर परिक्षणमा परिवारका सदस्य, नजिकका आफन्तजन र दाहासंस्कारमा सहभागी मध्ये कसैको पनि रिपोर्ट पोजेटिभ नआएको आफन्तले जानकारी दिएका छन् ।

दाहासंस्कारमा सहभागीको परिक्षण जारी रहेको ती आफन्तले बताए।