नेपालमा थप १ हजार १७२ जनामा कोरोना संक्रमण पुष्टि

नेपालमा थप १ हजार १७२ जनामा कोरोना संक्रमण पुष्टि भएको छ ।योसँगै संक्रमितको संख्‍या ६७ हजार ८०४ पुगेको छ ।

१ हजार ८९३ जनाले कोरोनालाई जितेका छन् । अहिलेसम्म कोरोनालाई जित्नेको संख्या ४९ हजार ९५४ पुगेको छ ।

अहिलेसम्म १७ हजार ४१४ जनामा सक्रिय संक्रमण छ । कोरोना संक्रमणबाट थप ७ जनाको मृत्यु भएको छ ।

अहिलेसम्म ४३६ जनाले कोरोनाकै कारण ज्यान गुमाएको स्वास्थ्य तथा जनसंख्या मन्त्रालयले जानकारी दिएको छ ।

अहिलेसम्म ९ लाख ४४ हजार ४७४ जनाको पीसीआर परीक्षण गरिएको मन्त्रालयले जनाएको छ ।

१७ हजार ४१४ जना आइसोलेसनमा छन् भने ७ हजार १०४ जना क्वारेन्टिनमा छन् ।