स्याङ्जा पहिरो अपडेट : ९ जनाको मृत्यु

स्याङ्जाको वालिङमा गएको पहिरोमा परी ज्यान गुमाउनेको संख्या ९ पुगेको छ ।

बिहीबार बिहान घरमाथिबाट आएको पहिरोमा परी बेपत्ता भएकामध्ये ९ जनाको शव फेला परेको जिल्ला प्रहरी कार्यालयका प्रवक्ता डीएसपी राजेन्द्र अधिकारीले जानकारी दिए ।

डीएसपी अधिकारीका अनुसार पहिरोमा परी मृत्यु हुनेमा १४ वर्षीय विक्रम नेपाली, २१ वर्षीय कुलदिप नेपाली, १६ वर्षीया विनिता

नेपाली, २८ वर्षीया उमाकला नेपाली, ४८ वर्षीया माया नेपाली, ३० वर्षीय दीपक नेपाली, ६० वर्षीया सानी नेपाली र ९ वर्षीय विवश नेपाली रहेका छन् ।

मृत्यु हुनेमा ७ महिनाका बालक पनि रहेका छन् । बच्चा कसको हो र नाम के हो भन्ने नखुलेको डीएसपी अधिकारीले बताए ।

पहिरोमा परी १६ वर्षीया मनिषा नेपाली घाइते भएकी छन् । उनलाई थप उपचारका लागि पोखरा रिफर गरिएको छ ।

यसैगरी कालीगण्डकी गाउँपालिका–४ मा गएको पहिरोमा परी १८ वर्षीय कृष्ण नेपालीको मृत्यृ भएको छ ।

घटनास्थलमा नेपाल प्रहरी, सशस्त्र प्रहरी, जनप्रतिनिधि, स्थानीयले बिहानैदेखि उद्दार कार्यलाई जारी राखेका छन् । माथिबाट निरन्तर पहिरो खसिरहेकाले उद्दार कार्यमा कठिनाई भएको प्रहरीले जनाएको छ ।