पहिरोले डोजर पुर्दा चालकको मृत्यु

बाटो खन्दाखन्दै खसेको पहिरोमा परेर प्यूठानमा डोजर चालकको मृत्यु भएको छ ।

जिल्ला प्रहरी कार्यालय प्यूठानका प्रमुख डिएसपी सुनिल मल्लका अनुसार सोमबार बिहान पौने ११ बजेतिर मदन भण्डारी

लोकमार्गअन्तर्गत माण्डवी गाउँपालीका-१ डामृखोला नजिकै बाटो खनिरहेको बा २ क ६९३९ नम्बरको डोजरलाई पहिरोले पुरेको हो।

सडकमाथिबाट खस्दै गरेको पहिरो देखेर ज्यान बचाउन जेसिबि डोजरबाट हामफालेका चालक अर्घाखाँचीको शीतगङ्गा नगरपालिका-८, लापेका ४० वर्षीय नरसिंह बुढामगरको घटनास्थलमै मृत्यु भएको मल्लले जानकारी दिए ।