नयाँपुलमा स्कुटर दुर्घटना हुदा १ जनाको मृत्यु, १ घाइते

कास्कीमा स्कुटर दुर्घटनामा एक जनाको मृत्यु भएको छ। एक जना घाइते भएका छन् ।

कास्कीको नयाँ पुलमा स्कुटर दुर्घटना हुदा स्कुटरमा सवार एक जनाको मृत्यु भएको प्रहरीले जानकारी दिएको छ।

दुर्घटनामा मृत्यु हुनेमा स्याङ्जा आँधीखोला गाउँपालिका ६ का २६ बर्षीय पुस्कर बस्नेत रहेको गण्डकी प्रदेश प्रहरी कार्यालय पोखराले जानकारी दिएको छ ।

बिहान ४ः ३५ बजे पोखराबाट पर्वत जाने क्रममा ग १० प २१२२ नम्बरको स्कुटर अनियन्त्रित भई पुलमा ठक्कर खाएको थियो ।

त्यसमा सवार बस्नेतको मेट्रोसिटी अस्पतालमा उपचारको क्रममा मृत्यु भएको हो ।स्कुटर चालक २५ बर्षीय सन्तोस न्यौपानेको सोही अस्पतालमा उपचार भइरहेको छ ।

उनको अवस्था मध्यम रहेको प्रहरी नायव उपरिक्षक राजेन्द्रबाबु रेग्मीले जानकारी दिए ।