गण्डकी प्रदेशमा एकै दिन अहिले सम्मकै धेरै संक्रमित थपिए गण्डकी प्रदेश कोरोनाको इपिसेन्टर बन्दै

गण्डकी प्रदेश कोरोनाको इपिसेन्टर बन्ने पथमा अगाडी बढीरहेको छ।

प्रदेशमा दिन प्रतिदिन संक्रमितहरुको संख्या बढ्दो क्रममा छ।

आइतबार प्रदेशमा अहिलेसम्मकै सबैभन्दा धेरै संक्रमित थपिएका छन् । गण्डकी प्रदेशका ११ जिल्ला मध्ये मुस्ताङ र मनाङ बाहेका अन्य जिल्लाहरुमा कोरोना संक्रमण बढ्दो छ।

प्रदेश स्वास्थ्य निर्देशनालयका अनुसार आइतबार १ सय ६० जनामा कोरोना संक्रमण पुष्टि भएको छ ।

यसअघि सबैभन्दा धेरै ६ असारमा १ सय ८ जनामा कोरोना पुष्टि भएको थियो । आज नवलपुरमा १ सय, तनहुँमा २८, बागलुङमा १८, लमजुङमा ६, कास्कीमा ४, स्याङ्जा र गोरखामा २र२ जना संक्रमित थपिएको निर्देशनालयले जनाएको छ ।

योसहित गण्डकी प्रदेशमा कोरोना संक्रमितको संख्या ४१ सय ७५ पुगेको छ ।

कुल संक्रमितमध्ये २८ सय ८२ जना निको भएका छन् । अहिले सम्म गण्डकीमा ३४ जनाको मृत्यु भएको छ ।