अवैध हतियार सहित दुइ जना पक्राउ

स्याङजामा अवैध भरूवा बन्दुक सहित २ जनालाई पक्राउ गरेको छ ।

पक्राउ पर्नेमा पुतलीबजार नगरपालिका वडा नम्बर ६ काउलेका थमन गुरूङ र काउले किराखोरका सुजन गुरूङ रहेका छन् ।

थमन गुरूङको साथबाट ईजाजत पत्र नभएको एकथान अवैध १ नाले भरुवा बन्दुक, एक थान भरूवा बन्दुकको नाल ९व्यारलको भाग, बारूद १४५ ग्राम, टिनको स–साना पाता ११ वटा, पाँच थान केपस र साना काचो सिसा १५६ वटा प्रहरीले बरामद गरेको जिल्ला प्रहरी कार्यालयले जनाएको छ ।

यस्तै अर्को व्यक्तिसँग ईजाजत पत्र नभएको एकथान अवैध १ नाले भरुवा बन्दुक बरामद गरिएको छ ।

अवैध हतियार सहित पक्राउ परेका दुवै जनालाइ नियन्त्रणमा लिई हातहतियार तथा खरखजना सम्बन्धी कसूर मुद्धामा जिल्ला

अदालतबाट २५ दिनको म्याद थप गरि अनुसन्धान भईरहेको जिल्ला प्रहरी कार्यालय स्याङजाले जनाएको छ ।